"Реал Мадрид" бош мураббийи Карло Анчелотти ярим ҳимоячи Эдуардо Камавинга жамоада дахлсиз эканлигини айтди.
"Камавинга ҳозир "Реал Мадрид" учун дахлсиз ва келажакда ҳам шундай бўлиб қолади. Ишончим комилки, у тўғри йўлда. Ҳа, баъзида Эдуардо қўпол хатоларга йўл қўяди, лекин кўпчилик унинг олдин ўтказган ақл бовар қилмайдиган ўйинларини унутиб қўяди", - деди Анчелотти матбуот анжуманида.
20 ёшли футболчи жорий мавсумда Ла Лиганинг 25 та ўйинида майдонга тушиб, 1 та голли узатмани амалга оширди. Ярим ҳимоячи 2021 йилнинг ёзидан буён жамоада тўп суради.
