Мюнхеннинг «Бавария» клуби келаси йили энг яхши ҳужумчи билан шартнома имзоламоқчи. Sky Sports хабарига кўра, Германия чемпионининг асосий мақсади Англия терма жамоаси ва «Тоттенхэм» марказий ҳужумчиси Харри Кейн бўлади.
29 ёшли футболчининг инглиз клуби билан шартномаси 2024 йилнинг ёзида якунига етади. Лондонликлар Кейн билан шартномани узайтирмоқчи, аммо ҳозирча томонлар ўртасида келишув йўқ.
«Бавария» бу вазиятдан фойдаланмоқчи. Мюнхен жамоаси келаси йилнинг январида Харри билан келишувга эришиб, уни эркин агент сифатида қўлга киритишни режалаштирмоқда.
Кейн «шпорлар» сафида 2011 йилдан бери тўп тепади. Ҳужумчининг трансфер нархи 90 миллион еврога баҳоланмоқда.
