Myunxenning «Bavariya» klubi kelasi yili eng yaxshi hujumchi bilan shartnoma imzolamoqchi. Sky Sports xabariga ko‘ra, Germaniya chempionining asosiy maqsadi Angliya terma jamoasi va «Tottenxem» markaziy hujumchisi Xarri Keyn bo‘ladi.
29 yoshli futbolchining ingliz klubi bilan shartnomasi 2024 yilning yozida yakuniga yetadi. Londonliklar Keyn bilan shartnomani uzaytirmoqchi, ammo hozircha tomonlar o‘rtasida kelishuv yo‘q.
«Bavariya» bu vaziyatdan foydalanmoqchi. Myunxen jamoasi kelasi yilning yanvarida Xarri bilan kelishuvga erishib, uni erkin agent sifatida qo‘lga kiritishni rejalashtirmoqda.
Keyn «shporlar» safida 2011 yildan beri to‘p tepadi. Hujumchining transfer narxi 90 million yevroga baholanmoqda.
