"Астон Вилла" дарвозабони Эмилиано Мартинес клубда узоқ вақт қолишни исташини айтди.
"Клубга келганимдан кейин фаолиятим кескин ўсди. Мен ҳар доим “Астон Вилла”дан миннатдор эканлигимни ва бу ерда бўлишни ёқтиришимни айтганман. Менинг оилам бахтли, ўғлим футболга берилиб, академияда 6 ёшгача бўлганлар жамоасида ўйнайди. Биз бу ерда вақт ўтказишдан завқланамиз ва келгуси йилларни интиқлик билан кутамиз”, деди дарвозабон.
Жорий мавсумда Мартинес “Астон Вилла” сафида барча мусобақаларда 26 та ўйинда майдонга тушиб, 33 та гол ўтказиб юборди.
