Football Transfers хабарига кўра, "Арсенал" ярим ҳимоячи Мартин Эдегор билан шартномани узайтирмоқчи.
Манбага кўра, жамоа сардори билан янги шартнома муддати 2030 йилгача ҳисоблаб чиқилади. 24 ёшли норвегиялик футболчининг маоши сезиларли даражада ошади.
Эдегор "Арсенал"да 2021 йилдан бери тўп суради. Унинг амалдаги шартномаси 2025 йилнинг июнида якунига етади. Transfermarkt портали ярим ҳимоячининг нархини 80 миллион еврога баҳоламоқда.
2022/23 йилги мавсумда Эдегор “канонирлар” сафида барча мусобақаларда 35 та ўйинда майдонга тушиб, 10 та гол урди ва 7 та голли узатмани амалга оширди.
