Франция терма жамоаси ва Мюнхеннинг “Бавария” клуби ҳимоячиси Бенжамин Паварнинг манфаатларини ҳимоя қилувчи футбол агенти Жозеф Моэн мижозининг немис грандидаги келажаги ҳақида гапирди.
"Бавария" билан янги шартномами? Футболда ҳар қандай бурилиш бўлиши мумкин. Эртага нима бўлишини ҳеч қачон билмайсиз. Лекин ҳозир Павар ҳамма нарсадан мамнун, у ўзига қулай бўлган позицияда ўйнайди. У бош мураббий Нагельсманн билан яхши муносабатда”, - дейди агент.
26 ёшли футболчининг "Бавария" билан амалдаги шартномаси 2024 йилнинг ёзига қадар мўлжалланган. Германия чемпионатининг жорий мавсумида Павар 22 та ўйин ўтказиб, 3 та гол урди ва битта голли узатмани амалга оширди.
