"ПСЖ" португалиялик ярим ҳимоячи Ренату Саншеш билан хайрлашишга тайёр.
Португалиялик футболчи парижликлар сафига бир йил олдин "Лилл"дан кўчиб ўтганига қарамай, "ПСЖ" 25 ёшли футболчини шу ёзда Англия Премьер-лигасининг бир қанча клублари қизиқиши остида сотишга тайёр, дея хабар беради 90min.com
Манбага кўра, "Астон Вилла", "Ливерпуль", "Ньюкасл", "Тоттенхэм" ва "Вулверхэмптон" Саншешнинг иқтидорини юқори баҳолайди ва унинг фаолиятини диққат билан кузатиб боради. Португалиялик ярим ҳимоячига "Милан" ҳам қизиқиш билдирмоқда.
Жорий мавсумда Ренату Франция 1-лигасининг 16 ўйинида қатнашиб, иккита гол урди.
