Фаолиятини якунлаганини эълон қилган Германия терма жамоаси ва “Реал”нинг собиқ футболчиси Месут Ўзил португалиялик ҳужумчи Криштиану Роналду билан ўйнаган даврларини эслади.
“Криштиану билан ўйнаш мен учун ажойиб бўлди. У мен учун барча даврларнинг энг яхши футболчисидир. Майдонда бир-биримизни яхши тушундик, мукаммал ўзаро таъсир ўтказилди. Мен голли узатмаларни бердим, Роналду эса голларга муаллифлик қилди", - дея эслади Месут.
Эслатиб ўтамиз, Ўзил 2010 йилдан 2013 йилгача Мадрид клубида ўйнаган.
