2023 йилнинг 23 март куни Ўзбекистон футбол ассоциацияси Ҳакамлар қўмитасининг навбатдаги йиғилиши бўлиб ўтди. Унда сўнгги турлар доирасида бўлиб ўтган учрашувлардаги ҳакамлар ҳаракатлари кўриб чиқилди.
"СУРХОН" – "АНДИЖОН" (Суперлига 2-тур)
2023 йил 11 март куни Ўзбекистон Суперлигаси 2-тур доирасида “Сурхон” – “Андижон” учрашуви биринчи ёрдамчи ҳакам Маҳмуд Турдиев, ВАР ҳакам Азиз Асимов ва АВАР ҳаками Алишер Усмонов учрашув давомида йўл қўйган хатолари учун назоратчи томонидан биринчи ёрдамчи ҳакам қониқарли, ВАР ва АВАР ҳакамлари қониқарсиз баҳога лойиқ кўрилган.
Ҳакамлар қўмитаси қарорига кўра:
Маҳмуд Турдиевга нисбатан Ҳакамлик интизом кодексининг 2.3 бўлими 1-бандига асосан огоҳлантириш интизом чораси қўлланилсин;
Азиз Асимовга нисбатан Ҳакамлик интизом кодексининг 2.3 бўлими 7-бандига асосан Суперлигада бош ҳакам сифатида 4 та, ВАР ҳаками сифатида 8 тур учрашувларидан четлаштириш интизом чораси қўлланилсин (учрашув натижасига таъсир кўрсатгани учун);
Алишер Усмоновга нисбатан Ҳакамлик интизом кодексининг 2.3 бўлими 7-бандига асосан Суперлигада ёрдамчи ҳакам сифатида 4 та, АВАР ҳаками сифатида 8 тур учрашувларидан четлаштириш интизом чораси қўлланилсин (учрашув натижасига таъсир кўрсатгани учун);
ТУРОН – БУХОРО (U-21, 1-тур)
2023 йил 6 март куни U-21 чемпионати 1-тур доирасида “Турон” – “Бухоро” учрашувининг бош ҳаками Акмал Раҳимов, иккинчи ёрдамчи ҳакам Азизбек Исаков ва захира ҳаками Шаҳбоз Ваҳобжонов учрашув давомида йўл қўйган хатолари учун назоратчи томонидан бош ҳакам ва иккинчи ёрдамчи ҳакам қониқарли, захира ҳаками эса қониқарсиз баҳога лойиқ кўрилган.
Ҳакамлар қўмитаси қарорига кўра:
Акмал Раҳимовга нисбатан Ҳакамлик интизом кодексининг 2.3 бўлими 1-бандига асосан огоҳлантириш интизом чораси қўлланилсин;
Азизбек Исаковга нисбатан Ҳакамлик интизом кодексининг 2.3 бўлими 1-бандига асосан огоҳлантириш интизом чораси қўлланилсин;
Шаҳбоз Ваҳобжоновга нисбатан Ҳакамлик интизом кодексининг 2.3 бўлими 3-бандига асосан 3 тур учрашувларидан четлаштириш интизом чораси қўлланилсин;
ПАХТАКОР – НАВБАҲОР (Суперлига 3-тур)
2023 йил 13 март куни Ўзбекистон Суперлигаси 3-тур доирасида “Пахтакор” – “Навбаҳор” учрашуви бош ҳаками Вадим Агишев, ВАР ҳаками Фирдавс Норсафаров ва АВАР ҳаками Бахтиёрхўжа Шавкатов учрашув давомида йўл қўйган хатолари учун назоратчи томонидан бош ҳакам, ВАР ва АВАР ҳакамлари қониқарсиз баҳога лойиқ кўрилишган.
Ҳакамлар қўмитаси қарорига кўра:
Вадим Агишевга нисбатан Ҳакамлик интизом кодексининг 2.3 бўлими 4-бандига асосан Суперлигада 6 тур учрашувларидан четлаштириш интизом чораси қўлланилсин;
Фирдавс Норсафаровга нисбатан Ҳакамлик интизом кодексининг 2.3 бўлими 7-бандига асосан Суперлигада ВАР ҳаками сифатида 4 тур учрашувларидан четлаштириш интизом чораси қўлланилсин (учрашув натижасига таъсир кўрсатмагани учун);
Бахтиёрхўжа Шавкатовга нисбатан нисбатан Ҳакамлик интизом кодексининг 2.3 бўлими 7-бандига асосан Суперлигада ВАР ҳаками сифатида 4 тур учрашувларидан четлаштириш интизом чораси қўлланилсин (учрашув натижасига таъсир кўрсатмагани учун).
