"Реал Мадрид" келаси ёзда кўпи билан учта футболчи билан шартнома имзоламоқчи. Журналист Томас Гонсалеснинг сўзларига кўра, “қаймоқранглилар” кўп сонли янги футболчиларни сотиб олиш ниятида эмас.
Дортмунднинг "Боруссия" клуби ярим ҳимоячиси, 140-150 миллион еврога баҳоланган Жуд Беллингем "қироллик клуби"нинг асосий мақсадига айланиши ҳақида аввалроқ хабар берилганди. Шунингдек, Карим Бензема ўрнига ҳужумчининг трансфери ҳақида ҳам миш-мишлар тарқалди. Вариантлар орасида Туриннинг “Ювентус” клубидан Душан Влахович ҳам бор.