"Арсенал" бош мураббийи Микель Артета "Барселона" ҳужумчиси Ансу Фати билан шартнома имзоламоқчи.
20 ёшли футболчи "кўк-анорранглилар" асосий таркибига кирмайди ва агар фойдали таклиф тушса, клуб раҳбарияти уни сотишга рози бўлиши мумкин. Goal хабарига кўра, Фатининг ашаддий мухлиси "Арсенал" бошқарувчиси Артета бўлиб, у испаниялик футболчини қўлга киритишни орзу қилади. Ҳужумчи "канонирлар"нинг ёзги трансфер мақсадларидан бири бўлиши мумкин.
Ансу Фати жорий мавсумда “Барселона” сафида 38 та ўйинда майдонга тушиб, 6 та гол урди ва 3 бор жамоадошларига ассистентлик қилди. Transfermarkt портали унинг қийматини 35 миллион еврога баҳоламоқда.
