«Арсенал» ўзининг мағлубиятсиз сериясини 9 та ўйинга етказди.
Микель Артета шогирдлари АПЛнинг 29-турида «Лидс»ни мағлуб этишди (4:1).
Сўнгги бор «канонирлар» 15 февраль куни мағлуб бўлганди – «Манчестер Сити»га (1:3). Ўшандан бери улар Англия чемпионати ва Европа лигаси ўйинларида 7 ғалаба ва 2 дурангга эришдилар (жамоа «Спортинг» билан ўйиндаги пенальтилар сериясидан сўнг мусобақадан чиқиб кетди).
АПЛда «Арсенал» кетма-кет 7 марта ғалаба қозонди. Энди уларни сафарда «Ливерпул»га қарши баҳс кутиб турибди (9 апрель).
