Каталониянинг «Барселона» клуби ҳужумчиси Педро Европа чемпионлар Лигасининг «Спартак»ка қарши учрашуви борасида ўз таассуротлари билан ўртоқлашди.

«Иккинчи бўлимда вазиятни ўз томонимизга оғдириш биз учун осон бўлгани йўқ. «Спартак» — бу яхши ташкил қилинган жамоа. Бу клуб сафида икки ажойиб ҳужумчилар бор. Булар Ари ва Эменике».

«Аммо биз бугунги ғалабадан хурсандмиз. Сабаби бу биз учун мусобақани муваффақиятли бошлаб олиш муҳим эди. Биз Чемпионлар Лигаси қандай мусобақа эканини жуда яхши биламиз. Ҳар қандай жамоа билан ўйин бу ерда қийин кечиши мумкин».

«Бугун мураббий Алексис Санчесни майдонга тушириб муваффақиятли юришни амалга оширди. У майдонга тушгач, жамоамиз ўйини жонланди. Биз босимни оширдик ва иродали ғалабани қўлга киритдик», дейди Педро УЕФА расмий сайтига берган интервьюси чоғида.