Европа футбол ассоциациялари иттифоқи (УEФА) янги маслаҳат органи – футбол қўмитасини тузди, унда таниқли мураббийлар ва машҳур футболчилар йиғилади. Хорватиялик ва "Милан"нинг собиқ футболчиси Звонимир Бобан бошқарув раиси бўлди. Бу ҳақда Times нашрига таяниб, Goal хабар бермоқда.
Қўмита ўйин қоидалари, ҳакамлик ва футбол тақвими билан боғлиқ масалаларни тақдим этади. Ҳозиргача 20 аъзо тасдиқланган, жумладан Карло Анчелотти, Паоло Малдини, Фабио Капелло, Хавер Занетти, Луиш Фигу, Филипп Лам, Рональд Куман, Микаэл Лаудруп, Рафа Бенитес, Роберто Мартинез, Предраг Миятович, Юрген Клинсман, Руди Цехман, Петрхоллер , Хуан Мата ва Робби Кин. Патрик Виейра ва Дидье Дрогба ҳам таклифнома олди.
Бундан ташқари, инглиз нашри Англия терма жамоаси бош мураббийи Гарет Саутгейт, португалиялик мутахассис Жозе Моуриньо, Франция ва Мадриднинг “Реал” клуби афсонаси Зинедин Зидан, шунингдек, Рио Фердинанд каби юлдузлар сафга қўшилиши мумкинлигини ёзмоқда. Қўмитанинг биринчи йиғилиши 24 апрелга белгиланган.
