Ёзги трансфер ойнасида "Барселона" раҳбарияти жамоанинг ҳужум чизиғини кучайтириш ниятида. Бунинг учун Лионель Месси (“ПСЖ”), Янник Феррейра Карраско (“Атлетико Мадрид”) ва Витор Роке (“Атлетико Паранаенсе”)ни сотиб олиш масаласи кўриб чиқилмоқда. Клуб, шунингдек, Абде Эззалзулини ("Осасуна") ижарадан қайтариши мумкин. Бу ҳақда Relevo хабар бермоқда.

35 ёшли Месси ҳали француз клуби билан шартномасини янгилагани йўқ. Агар вазият шу даражада қолса, аргентиналик футболчи эркин агент сифатида жамоани тарк этади.

29 ёшли Янник Феррейра Каррасконинг "Атлетико Мадрид" билан шартномаси 2024 йилнинг ёзига қадар тузилган, аммо "Барселона" белгиялик футболчини сотиб олишда имтиёзли вариантга эга.

18 ёшли Витор Роке Европанинг деярли барча топ-жамоаларининг манфаатлари доирасида. Хабар қилинишича, у "Барселона"да ўйнашни орзу қилади ва испан клубига ўтиш учун ҳамма нарсага тайёр.

21 ёшли Абде "Осасуна"да ўйнаб, 25 та ўйинда қатнашиб, 3 та гол урди ва иккита голли узатмани амалга оширди.