Италиянинг “Торино” клуби бош мураббийи Иван Юрич “Вест Хэм” ва “Аталанта”дан ижарага олинган ярим ҳимоячилар Никола Влашич ва Алексей Миранчукни сотиб олмаслиги ҳақидаги маълумотга изоҳ берди.

"Торино"да Влашич ва Миранчукнинг келажаги қандай? Мен ўзим билан бирга ишлаган имкон қадар кўпроқ ўйинчиларга эга бўлишни афзал кўраман. Йил давомида футболчилар билан ишлаганингизда, улар кўпинча кейинги мавсумда яхшиланишади. Қанчалик кўп ўйинчиларни ушлаб турсак, шунча яхши", - дея Юрич сўзларини келтиради Football Italia.

Олдинроқ "Торино" Миранчукни 13 миллион еврога, Влашични эса 15 миллион еврога сотиб олиш вариантини фаоллаштирмаслигини, футболчилар ўз клубларига қайтишга мажбур бўлиши ҳақида хабар берган эди.