Мадриднинг “Реал” клуби ярим ҳимоячиси Марко Асенсио бугунги “Вильярреал”га қарши Ла Лига ўйинини асосий таркибда бошлаши мумкин. Бу ҳақда Diario AS хабар бермоқда.
Эслатиб ўтамиз, бугунги ўйинда "Реал" бош мураббийи Карло Анчелотти асосий таркибдаги бир қатор футболчиларга дам беради. Бунга Испания кубоги ярим финалида “Барселона”га қарши ўйиндан сўнг футболчиларнинг чарчаганлиги сабаб бўлган. Мураббий Чемпионлар лигаси чорак финалида “Челси”га қарши ўйин учун ҳам асосий футболчиларни сақлаб қолмоқчи.
Эслатиб ўтамиз, Асенсионинг “Реал” билан шартномаси мавсум охирида якунига етади. Ла Лиганинг ушбу мавсумида футболчи 6 та гол ва 4 та голли узатмани амалга оширди.
