"Тоттенхэм" томонидан ишдан бўшатилган Антонио Конте узоқ ишсиз юрмайди. Хабарларга кўра, италиялик мутахассис яна "Челси"га қайтиши мумкин. Клуб раҳбарияти уни "Стемфорд Бриж"да кўришни истамоқда. Конте "Челси" билан 2017 йилда АПЛ чемпиони бўлган. 53 ёшли мураббий айни дамда эркин агент мақомида ишсиз бўлиб турибди. Айрим манбалар Конте ва "Челси" ўртасида аллақачон дастлабки музокаралар бўлиб ўтганини ёзади. Агарда ҳаммаси яхши ўтган бўлса, кейинга ҳафта ҳам томонлар учрашади. Айни дамда Фрэнк Лэмпард бошқарувда бўлиб турибди. Бу эса Контега мавсум охирига қадар дам олиб, ўзини тиклаб олиш имконини беради.
Антонио Конте чемпионлик йӯлида, "Челси" билан асосан 3-4-3 тактик схемасидан фойдаланарди. Агарда у яна қайтарилса, жамоа Томас Тухель давридан бери амалда бўлган ўша тизимга ӯтади. Хўш, Конте асосий таркибни қандай белгилайди?
Айни дамда жамоада иккита юқори маҳорати дарвозабонлар бор. Шу сабабли улардан бири, ё Кепа Аррисабалага ёки бўлмаса Эдуар Менди клубдан кетиши керак. Бизнингча, италиялик Мендини афзал кўради. У ҳимоя марказига Рис Жеймсни қўйиши кутилмоқда. Унга шерик сифатида Бенуа Бадиашиле танланади. Қанотда мутлақо янги ном пайдо бўлади.
Академиядан чиққан Хадсон-Одои ўнг қанотдан жой эгаллайди. У айни дамда "Байер Леверкузен" сафида ижара мавсумини ўтказмоқда. Қарама-қарши қанотга икки номзод бор. Кукурелья ҳамда Чилвелл курашида инглиз футболчиси ғолиб бўлади. Шунингдек, бу позицияга "Бёрнли"да ижара асосида ҳаракат қилаётган Йан Матсен ҳам қайтиши кутилмоқда.
Контенинг 2017 йилдаги жамоасида порлаган Н'Голо Канте, ярим ҳимояда Энцо Фернандес билан ҳаракат қилиши тахмин қилинган. "Аристократлар" ёзда "Милан" юлдузи Рафаэль Леау учун катта пул сарфлаши айтилган. Шундай бўлса, Михаил Мудрик ва Рахим Стерлинг тақдири сўроқ остида қолади. Жамоанинг яна бир юлдузи Мейсон Маунт "МЮ" ва "Ливерпуль" томонидан қизиқишларга сабаб бўлаётган эди. Унинг кетиши таркибдаги Кай Хаверцни янада порлашига ёрдам бериши мумкин. Ҳужум марказида 97 миллион фунтга харид қилинган Ромелу Лукаку пайдо бўлади. Бельгия терма жамоаси аъзоси Конте билан яхши таниш. Бу тандем 2021 йилда "Интер" таркибида Италия чемпионлигини қўлга киритганди. Лукаку жорий мавсумда ижара асосида яна жонажон клубига қайтди. Аммо унинг ишлари "Интер"да юришмаяпти. Хусусан, Лукаку 16 та ўйинда 3 та голга муаллифлик қилган холос. Шунга қарамай, Конте уни ўз жамоасига чақириб олади. Балки улар "Челси"да қайтадан зафарларга эришар.
Шундай қилиб, Антонио Контенинг "Челси"га қайтиши катта ўзгаришларга замин ҳозирлайди.
ИСМАТОВ Ж.
