"Ювентус" марказий ҳимоячиси Федерико Гатти клубдаги илк голини нишонлади.

24 ёшли футболчини туринликлар 2022 йил бошида "Фрозиноне"дан сотиб олишган, бироқ ёзгача собиқ жамоасида ўйнашда давом этганди. Пайшанба куни италиялик футболчи Европа лигасининг чорак финалида "Спортинг" дарвозасини ишғол қилиб, "Ювентус" учун дебют голини урди. Гаттининг аниқ зарбаси "кекса синьора"га ғалаба келтирди.

“Бу туйғу нима эканлигини сўз билан ифодалаб беролмайман. Мослашиш учун бироз вақт керак бўлди. Ҳар бир ўйинда ўзимни янада ишончли ҳис қиламан, шерикларим ва мураббийлар менга ёрдам беришади", - деди футболчи.