"Барселона" президенти Жоан Лапорта мухлислар билан суҳбат чоғида "ПСЖ" ҳужумчиси Лионель Месси тез орада Каталония клуби сафига қайтишини айтди.
Лапорта Испания чемпионатининг 29-туридан ўрин олган "Хетафе"га (0:0) қарши ўйин олдидан трибунада мухлислар билан суратга тушди ва шу билан бирга мухлисларнинг саволларига жавоб қайтарди. Томошабинлардан бири "Барселона" президентидан Лионель Мессининг жамоага қайтиши мумкинлиги сўради. Бунга Лапорта дарҳол жавоб берди: "Si" (ўзбекча - "Ҳа"). Функционернинг мухлислар билан мулоқоти акс этган видео Cadena Ser Carrusel Deportivo нашрининг ижтимоий тармоқларида чоп этилди.
Олдинроқ Бирлашган Араб Амирликлар компанияси "Барселона"га Месси билан шартнома имзолаган тақдирда молиявий фейр-плэй ва маош билан боғлиқ муаммолардан қочиш имконини берувчи маблағларга сармоя киритмоқчи экани хабар қилинганди. "Барселона" ҳозирда бу қайтиш учун барча мумкин бўлган вариантларни қидирмоқда.
