«Интер» охирги пайтларда ёмон натижалар кўрсатмоқда.
Миш-мишларга кўра, Симоне Индзаги яқин келажакда мураббийлик лавозимини тарк этиши мумкин, чунки «нерадзуррилар»нинг Чемпионлар лигасидан чиқиб кетиш хавфи бор. Бироқ, Индзаги бу мавсумни эсон-омон якунлаши ҳақида далиллар мавжуд.
TodoFichajes хабарига кўра, «Интер» ёзда Антонио Контени жамоага олиб келади. Манбанинг хабарига кўра, 53 ёшли мутахассис ва миланликлар клуби ўртасида аллақачон дастлабки келишув мавжуд.
Антонио Конте 2019-2021 йилларда «Интер»ни бошқарган ва ҳатто жамоани Италия чемпионлигига олиб келган.
Қўшимча қиламизки, март ойида Конте «Тоттенхэм» бош мураббийи лавозимини тарк этганди.
