«Бавария» футболчиси Томас Мюллер Бундеслиганинг 29-туридан ўрин олган «Майнц»га қарши ўйинда жамоасининг муваффақиятсизлигидан сўнг ўз фикрларини билдириб ўтди.

Томас Тухель шогирдлари 29-дақиқада ҳисобни очган бўлсада, иккинчи бўлимда ўз дарвозасидан жавобсиз учта гол ўтказиб юборди.

«Бугун биз умуман яхши ўйнамадик, айниқса мен жуда ёмон кўриндим. Бизда тўпни назорат қилиш кам эди.

Танаффусдан сўнг «Майнц» кутилмаганда 3:1 ҳисобида олдинга чиқиб олганида, энди ўрнимизни қайтаришга кучимиз қолмаганди – учинчи гол бизни буткул синдирди.

Мен ҳайратдаман, ҳеч қандай изоҳим йўқ», деди мюнхенлик фахрий.

Бугунги мағлубиятдан сўнг «Бавария»да турнир жадвалида биринчи ўринни йўқотиш хавфи бор - «Айнтрахт» билан ўйинда ғалаба қозонган тақдирда «Боруссия Дортмунд» биринчи ўринга кўтарилади.