"Бавария" клуби раҳбарияти спорт директори Хасан Салихамиджичга шубҳа билан қарамоқда, дея хабар бермоқда Kicker нашри.

Жамоа ичида улар 46 ёшли босниялик мутахассиснинг "Бавария"да ишлаш учун етарли даражада малакали эканлигига ишончлари комил эмас. Бу клуб Салихамиджич учун жуда катта деган фикрлар бор.

Салихамиджич билан шартнома 2026 йилгача мўлжалланган. У жамоада 1998-2007 йилларда ўйнаган. У 2017 йилнинг ёзидан спорт директори лавозимида ишлаб келмоқда.

Аввалроқ, Чемпионлар лигасидан чиқариб юборилганидан сўнг, "Бавария" бош директори Оливер Канни истеъфога чиқариши мумкинлиги ҳақида хабар берилганди.