Қатар шайхи Жасим бин Ҳамад Ал Тани "Манчестер Юнайтед" учун 5 миллиард фунт стерлингдан кўпроқ (5,7 миллиард евро) беришга тайёр, деб хабар беради CBC Sport журналисти Бен Жейкобс.

Манбага кўра, Ал Тани клубни сотиб олиш бўйича якуний таклиф билан чиққан. Жасимнинг таклифи, шунингдек, "Манчестер Юнайтед"га катта миқдорда қўшимча маблағ ва инфратузилмани сармоя қилиш режасини ҳам ўз ичига олади. Ал Тани "Манчестер Юнайтед"нинг 100% акцияларини сотиб олмоқчи.

Ҳозиргача спорт клубини сотиб олиш бўйича энг катта битим 2022 йилда якунланган, ўшанда НФЛ клуби "Денвер Бронкос" 4,65 миллиард долларга (3,75 миллиард фунт стерлинг) сотилган.

Sky Sports хабарига кўра, сер Жим Ратклиффнинг "Манчестер Юнайтед" акцияларининг аксарият қисмини сотиб олиш бўйича таклифи ҳам берилган. Қайд этилишича, глейзерлар "МЮ" учун тахминан 6 миллиард фунт олмоқчи.

Айни пайтда клуб 60 очко билан Премьер-лига турнир жадвалида 4-ўринда бормоқда.