"Барселона" Ла Лига билан янги молиявий режа борасида келиша олмаяпти.
Diario Sport нашри хабарига кўра, Каталония клуби раҳбарияти бир неча ҳафта давомида Ла лига вакиллари билан молиявий фэйр-плей масаласини ҳал қилиш вариантларини келишиб олиш борасида муросага кела олмаяпти.
Клубнинг ҳаражатлари унинг даромадидан анча ошиб кетади ва шунинг учун "Барселона"га бир қатор чекловлар қўйилди. "Барселона" ўз харажатларини камида 200 миллион еврога қисқартириши керак (баъзи манбаларда бу миқдор 350 миллионни ташкил қилади). Клуб менежерлари бу талабларни бажариш қийин бўлишини билишади, шу боисдан "кўк-анорранглилар" таркибни кучайтиришга ёрдам берадиган муаммога ечим топиш умидида Ла Лига билан музокараларни бошлашган.
Турли вариантлар орасида уч йил ичида харажатларни қисқартириш ҳам бор эди, бироқ томонлар келишувга эриша олишмади. Ла Лига "Барселона" учун талабларни бажариш жуда қийин бўлишига ишонмоқда.
Лига чекловлари каталонияликларга Гави, Рональд Араухо ва Серхи Робертони рўйхатдан ўтказишга тўсқинлик қилмоқда. Бу ёзги трансферларни амалга оширишга ҳам тўсқинлик қилиши мумкин - клуб Лионель Месси, Илкай Гюндоган ва Иньиго Мартинесни ўз сафига қўшиб олмоқчи.
