Мюнхеннинг "Бавария" клуби "Астон Вилла" ҳужумчиси Олли Уоткинснинг трансфери бўйича фаол иш бошлашга шошилмаяпти. Журналист Фабрицио Романонинг фикрича, айни дамда “қизил машина”нинг англиялик футболчига бўлган қизиқишини жуда совуқ деб аташ мумкин, чунки клубда ҳужумчи ўрнини мустаҳкамлаш учун бошқа устувор имкониятлар мавжуд.
"Астон Вилла", ўз навбатида, Уоткинсни қўйиб юборишни истамаяпти ва футболчига маоши оширилган янги узоқ муддатли шартнома таклиф қилиб, уни сақлаб қолиш ниятида. Эслатиб ўтамиз, жорий мавсум Олли АПЛда 14 та гол урди ва 6 та голли узатмани амалга оширди.
Олдинроқ "Бавария" янги ҳужумчи учун 100 миллион еврогача сарфлашга тайёрлиги ҳақида хабар берилганди.
