"ПСЖ" спорт директори Луиш Кампуш ҳужумчи Лионель Месси билан боғланиб, унга интизомий иш ҳақида маълум қилди, деб хабар бермоқда RMC Sport.
Париж клуби мураббийлари штаби аргентиналик футболчини Саудия Арабистонига рухсатсиз кетгани учун жазолади.
Кампуш 35 ёшли аргентиналик футболчини икки ҳафтага машғулотлардан четлаштириш ҳақида шахсан маълум қилган. Олдинроқ Месси ушбу давр учун маошидан маҳрум бўлиши хабар қилинганди.
Лионелнинг француз клуби билан шартномаси жорий мавсум охирида якунига етади. Лига 1нинг жорий мавсумида ҳужумчи 28 та ўйин ўтказиб, 15 та гол ва 15 та голли узатмага муаллифлик қилган.
