Лондоннинг “Челси” клубига тегишли бўлган сенегаллик дарвозабон Эдуард Менди фаолиятини Германия Бундеслигасида давом эттириши мумкин, дея хабар бермоқда Goal.com нашри.

Манбанинг маълум қилишича, африкалик дарвозабон хизматларига Мюнхеннинг "Бавария" клуби қизиқиш билдирмоқда. Немис топ-клуби ёзда Менди учун трансфер таклифи билан чиқишга тайёр.

Эдуард 2020 йилнинг сентябрь ойидан буён “Челси” шарафини ҳимоя қилиб келмоқда. 31 ёшли футболчининг лондонликлар билан шартномаси 2025 йилнинг ўрталарига қадар тузилган. Унинг трансфер нархи 18 миллион еврога баҳоланмоқда.

Менди жорий мавсумда Премьер-лигада 9та ўйин ўтказиб, 12та гол ўтказиб юборди.