"Фенербахче" клуби ярим ҳимоячиси Арда Гюлер фаолиятини Англия Премьер-лигасида давом эттириши мумкин. Бу ҳақда Football Insider нашри хабар бермоқда.
Манбага кўра, "Ньюкасл" вакиллари шу ҳафта охирида 18 ёшли туркиялик футболчининг оиласи билан учрашиб, эҳтимолий трансферни муҳокама қилади. Қайд этилишича, Гюлер вакиллари “Аякс” ва “Барселона” таклифларини ҳам тинглашни режалаштирган.
Футболчининг “Фенербахче” билан амалдаги шартномаси 2025 йилнинг ёзига қадар тузилган. Transfermarkt портали Туркия терма жамоаси футболчисини 11 миллион еврога баҳоламоқда.
Жорий мавсумда ярим ҳимоячи турк клуби сафида 29 та ўйин ўтказиб, 6 та гол урди ва 4 та голли узатмани амалга оширди.
