"Ливерпуль" 2023 йилнинг ёзида таркибни янгилаши керак. Жамоани шартнома муддати тугайдиган бир қатор ўйинчилар тарк этади ва клуб янги футболчилар билан битим имзолаши керак. Шулардан бири Қатардаги Жаҳон чемпионати қаҳрамони – брайтонлик Алексис Макаллистер бўлиши кутилмоқда.

Европанинг топ-инсайдери Фабрицио Романо ижтимоий тармоқларда аргентиналик ярим ҳимоячининг "Ливерпул"га ўтишга қизиқаётганини айтди. Қайд этилишича, якуний келишувга эришиш учун ҳали келишиб олиниши керак бўлган тафсилотлар мавжуд. Музокаралар кейинги икки ҳафта ичида давом этади.

"Мен ҳозир ҳеч нарса дея олмайман", дея жавоб берди Юрген Клопп Макаллистернинг трансфери ҳақидаги саволга. "Брайтон" етакчилардан бири учун тахминан 60 миллион евро талаб қилмоқда. Бу паст нарх эмас, лекин Премьер-лига ва футболчининг хизматлари учун етарлича. “Ўйлашимча, у кейинги трансфер ойнасида клубини ўзгартиради. Биз унинг қаерга боришини ҳозирча билмаймиз, умуман олганда, музокаралар эндигина бошланмоқда, лекин, катта эҳтимол билан, Алексис июл ойида бошқа жамоада ўйнайди”, - деди аввалроқ Алексиснинг отаси Карлос Макаллистер.

Қарама-қарши йўналишда эса ярим ҳимоячи Жеймс Милнер “Брайтон”га келиши кутиляпти. 37 ёшли англиялик футболчининг клуб билан шартномаси ёзда ниҳоясига етади, шунинг учун у исталган вариантни танлаши мумкин. Ва у “Брайтон” билан шартнома тузишга қарор қилди. 37 ёшли англияликни тушуниш мумкин: у камдан-кам ҳолатда асосий таркибда майдонга тушади ва ҳали фаолиятини якунламоқчи эмас. “Айтишим мумкинки, мен у билан ажойиб суҳбатлар ўтказдим. У уни қанчалик қадрлашимни билади, бу унинг қарори. Милнер бўлмаганида, сўнгги 7,5 йил ичида ҳеч қандай соврин ютмаган бўлар эдик", - деди Клопп футболчининг кетиши ҳақидаги саволга.

Макаллистер  - "Ливерпул"ни кучайтириш учун ажойиб имконият. Аргентиналик ўзининг профессионаллиги билан ажралиб туради, шиддатли футболга жисмонан тайёр, прессинг ва ҳимояда яхши ишлайди. Макаллистер пеналти тепишда ҳам яхши. Аргентиналик футболчи "Брайтон"нинг Премьер-лигадаги энг яхши тўпурари (9 гол, 6 таси 11 метрдан).

“Чайкалар"нинг майдон марказида Алексис топ клубга ўтиш учун яна бир номзод Моисес Каиседо билан жуфтликни ташкил этди. Агар Макаллистерни “Ливерпуль” ярим ҳимоячилари билан солиштирадиган бўлсак, унга энг ўхшаши жамоанинг собиқ футболчиси Жоржиньо Вейналдумдир. Нидерландиялик футболчи худди шундай функционалликка эга эди, ярим ҳимояда бутунлай бошқа позицияларда жойлашиши мумкин эди.

Макаллистернинг энг яхши футболи ,албатта, Қатардаги жаҳон чемпионати эди. Айнан шу турнирда аргентиналик номи ҳаммага маълум бўлди. Саудия Арабистони билан биринчи ўйинда (1:2) майдонга тушмаган, қолган барча учрашувларда майдонга тушиб, ғалаба билан якунланган.

"Ливерпуль" янги ўйинчиларни қўлга киритиш жараёнида. Клопп раҳбариятга футболчиларни 8 июлда бошланадиган мавсумолди биринчи йиғин олдидан тайёрламоқчи эканлигини айтди. Яқин келажакда трансферлар ҳақида маълумотлар оқими кучаяди. Аммо биринчи потенциал шартнома ҳам мухлисларда жамоанинг кейинги мавсумдаги истиқболлари ҳақида ишонч ҳосил қилиши мумкин.