"Манчестер Сити" ярим ҳимоячи қидирмоқда, чунки Илкай Гюндоган ёзда жамоани тарк этиши мумкин. "Реал Мадрид" Жуд Беллингем учун курашда пешқадамлик қилмоқда. The Mirror нашрининг ёзишича, “шаҳарликлар” “Бавария”дан ярим ҳимоячи Райан Гравенберх учун курашмоқчи.
"Манчестер Сити" Гравенберхни қўлга киритиш учун курашда рақобатга дуч келиши керак. Бошқа клублар, хусусан, "Ливерпуль" ҳам нидерландиялик футболчини ўз сафида кўришни истамоқда.
20 ёшли Гравенберх аввалроқ "Бавария"да каттароқ ролга эга бўлишини кутаётганини очиқ айтган эди. Тransfermarkt портали футболчини 30 миллион еврога баҳоламоқда.
