"Барселона" ярим ҳимоячиси Серхио Бускетс Каталония клубини тарк этиши ҳақида гапирди.
“Бу менинг “Барселона”даги сўнгги мавсумим. Мен доим шу жамоада ўйнашни орзу қилардим, шу боис 15 мавсумни шу ерда ўтказишимни тасаввур ҳам қила олмасдим. Буни амалга оширган барчага раҳмат айтмоқчиман", - деб хабар беради жамоа матбуот хизмати футболчининг сўзларини.
Бускетс "Барселона" академияси битирувчиси. У 2008 йилдан бери асосий жамоада ўйнаб келмоқда. Серхио жамоа билан биргаликда саккиз марта Испания чемпиони бўлди, шунингдек, уч марта Чемпионлар лигасида ғолиб чиқди.
