Бугун ЕЧЛ иккинчи ярим финали ўтказилади. Унда Миланнинг икки клуби ўзаро беллашади. Ўзи умуман, Италия клублари бу йил халқаро майдонларда анча муваффақиятли иштирок этмоқда. «Рома» ўтган йили Конференсиялар лигасида ғолиб чиққан бўлса, бу мавсум «Фиорентина» ушбу мусобақа ярим финалигача етиб келди. «Ювентус» эса Европа лигаси ярим финалида ўз иштирокини давом эттирмоқда. Эсингизда бўлса, «кекса синёра» 2017 йилда клублар ўртасидаги энг нуфузли турнирнинг финалигача етиб бирганди.
«Интер» ва «Милан» эса ЕЧЛда анчадан бери бу босқичга етиб келолмаган. «Россонерилар» учун бу умумий 7-ярим финал ҳисобланиб, сўнггиси 2007 йилда содир бўлган ва унда клуб мусобақа бош совринини қўлга киритган.
«Интер» эса бу босқичга 3-бор етиб келмоқда. 2003 йили улар айнан «Милан»га қарши тўқнаш келган ва биринчи учрашувда енгилган. Бироқ 2010 йили «Барселона»ни илк баҳсда таслим этишнинг уддасидан чиққан ҳамда якунда бош совринни қўлга киритган.
Бу жамоалар халқаро майдонда ўзаро бешинчи бор тўқнаш келмоқда. Сўнгги 4 баҳс давомида «Милан» ҳамшаҳарига ютказмаган (2 ғалаба, 2 дуранг). ЕЧЛнинг худди шу босқичида клублар охирги марта 2003 йилда учрашган ва унда «россонерилар» финалга йўл олган (1:1, меҳмондаги гол «Милан» фойдасига). Жорий мавсум ҳисобидан улар 3 марта тўқнаш келди. «Интер» сўнгги икки баҳсни ўз фойдасига ҳал қила олган: мамлакат суперкубогида 3:0 ва А Серияда 1:0. Сентябрдаги беллашувда эса «Милан» 3:2 ҳисобида ғалаба қозонганди.
Ҳар иккала жамоа ҳам ушбу босқичга сифатли мудофаа чизиғи билан етиб келмоқда. «Милан» сўнгги 6 баҳсда атиги битта гол ўтказиб юборган. У ҳам бўлса, «Наполи»дан 93-дақиқада. Бу вақт оралиғида 86 та зарба берган бўлсалар, уларнинг 27 таси аниқ чиққан. GX эса 6.8 ни ташкил этади.
«Интер» эса бу борада ўз ҳамшаҳридан қолишмайди. «Нерадзуррилар» ЕЧЛда сўнгги 10 учрашувнинг 6 тасида ўз дарвозаси дахлсизлигини сақлаб қолган. Ушбу турнир доирасида эса охирги 6 та баҳснинг атиги 1 тасида мағлуб бўлган (уларнинг 4 тасида жамоа ўз дарвозаси дахлсизлигини сақлаб қолган).
Жирунинг жорий мавсумдаги статистикаси
Жамоаларнинг ўзаро беллашувдаги статистикаси
