«Манчестер Сити» бош мураббийи Пеп Гвардиола мухлисларни ҳужумчи Эрлинг Холанд яхши формада эканлигига ишонтирди.
Эслатиб ўтамиз, 22 ёшли норвегиялик ўз жамоасининг сўнгги икки учрашувида гол ура олмади.
«Холанд яхши ҳолатда, агар у чарчаганида Мадридда бундай шиддатли ўйин ўтказмаган бўларди. Менимча, у яхши. У бу мавсумда жамоага ҳали кўп нарса бериши керак», - деди Гвардиола матбуот анжуманида.
«Реал Мадрид» билан ўйин олдидан Холанд Чемпионлар лигасидаги сўнгги 3 та ўйинда 7 та гол урган эди.
Норвегиялик футболчи шундан 5 тасини ⅛ финалда «РБ Лейпциг»га, 2 тасини эса чорак финалда «Бавария»га киритган.
