Аргентиналик мутахассис Марсело Бьелса Уругвайнинг янги бош мураббийига айланади. Олдинроқ томонлар оғзаки келишувга эришгани ва тез орада шартнома имзоланиши хабар қилинганди.
Испаниянинг Mundo Deportivo нашри хабарига кўра, 17 май, чоршанба куни Уругвай терма жамоасининг янги мураббийининг тақдимоти бўлиб ўтади.
У «Сентенарио»да бўлиб ўтади. Қайд этилишича, 67 ёшли аргентиналик тарихда Уругвай терма жамоаси билан ишлаган иккинчи хорижлик мутахассисга айланади.
Эслатиб ўтамиз, Бьелсанинг сўнгги клуби Англиянинг «Лидс»и бўлиб, у клубни 2018 йилнинг июлидан 2022 йилнинг февралигача бошқарган.
