Мадриднинг "Реал" клубининг ҳозирда чап қанот ҳимоясида ҳаракат қилаётган ярим ҳимоячиси Эдуардо Камавинга "Хетафе"га қарши Ла Лига баҳсида (1:0) жароҳат олди.
Ўзига нисбатан ишлатилган қўполликдан сўнг Камавинга Анчелоттидан алмаштирилишини сўради, унинг ўрнига 84-дақиқада Альваро Одриосола майдонга тушди.
Жароҳатнинг қай даражада жиддийлиги қўшимча тиббий текширувлардан сўнг маълум бўлади.
Эслатиб ўтамиз, келаси чоршанба куни "Реал" ЕЧЛ ярим финали жавоб баҳсида "Манчестер Сити" меҳмони бўлади.