Пирс Морганнинг фикрича, Криштиану Роналду "Арсенал"га Премьер-лигада чемпион бўлишига ёрдам бериши мумкин эди.

"Сиз хоҳлаганча масхара қилишингиз мумкин, лекин агар биз Роналду "МЮ"ни тарк этган пайтда у билан шартнома имзолаганимизда, биз Премьер-лига чемпион бўлардик.

У қандай қилиб катта совринларни ютиш ва гол уришни билади", - деб пост қолдирган телебошловчи ва "Арсенал" мухлиси ўзининг ижтимоий тармоқлардаги саҳифасида.

Криштиану Роналду ўтган йилнинг декабрь ойида Пирс Морган билан баҳсли интервьюдан сўнг "Манчестер Юнайтед" билан шартномасини бекор қилганди. Ҳозир португалиялик футболчи Саудия Арабистонининг “Ан-Наср” жамоасида ўйнайди.