"Манчестер Сити" ярим ҳимоячиси Бернарду Силва Чемпионлар лигаси тарихида "Реал"га қарши ярим финалда дубль қайд этган учинчи футболчига айланди. Ундан олдин бу ишни фақат Лионель Месси (2011 йилда) ва Роберт Левандовски (2013) амалга оширган. Бу ҳақда Opta Sports хабар бермоқда.
Бир неча дақиқа олдин Чемпионлар лигаси 1/2 финалининг жавоб учрашуви якунига етди ва унда “Манчестер Сити” ўз майдонида “Реал”ни 4:0 ҳисобида мағлуб этиб, турнир финалига йўлланма олди. Биринчи бўлимда "Сити"нинг португалиялик вингери Бернарду Силва дубль қайд этган бўлса, иккинчи бўлимда Эдер Милитаонинг автоголи ҳисобни йириклаштирди ва Хулиан Альварес финал ҳуштагига яқин ўйинга сўнгги нуқтани қўйди. 9 май куни Мадридда бўлиб ўтган биринчи ўйинда ҳам кучли аниқланмаганди. Учрашув дуранг билан якунланди - 1:1.
Финалда “Манчестер Сити” Миланнинг “Интер” клубига қарши майдонга тушади.
