"Бавария" "Вест Хэм" ярим ҳимоячиси Деклан Райс бўйича эҳтимолий таклифни кўриб чиқмоқда, деб хабар бермоқда Bild нашри.
Манбанинг қайд этишича, бу трансфер мюнхенликлар бош мураббийи Томас Тухелнинг ташаббуси ҳисобланади. У 24 ёшли футболчини яқинда Ла Лига гигантларидан бирига ўтиши мумкин бўлган Жошуа Киммихнинг ўрнига ўринбосар сифатида кўрмоқда.
Мураббий аллақачон Райснинг номзодини спорт директори Хасан Салихамиджич билан муҳокама қилган.
"Вест Хэм" ярим ҳимоячини 100 миллион фунт стерлингга баҳоламоқда. Унга "Арсенал" ва "Челси" ҳам даъвогарлик қилмоқда.
Райс жорий мавсумда 46 та ўйинда майдонга тушиб, 4 та гол ва 4 та голли узатмага муаллифлик қилган.
