Мюнхеннинг “Бавария” клуби “Манчестер Сити” ярим ҳимоячиси Илкай Гюндоганни сотиб олмасликка қарор қилди. Инсайдер Кристиан Фальк берган маълумотларга кўра, Мюнхен клуби немис футболчисини текинга ўз сафига қўшиб олмоқчи бўлган. Бироқ раҳбарият жамоада Гюндоган позициясида футболчилар етарли деган хулосага келди.

Қайд этилишича, айни дамда Гюндоган учун курашда каталониялик "Барселона" пешқадамлик қилмоқда ва футболчига уч йиллик шартнома таклиф қилмоқда. "Манчестер Сити" ҳам ярим ҳимоячини ўз жамоасида сақлаб қолиш учун уринишларни қолдирмаяпти, аммо "шаҳарликлар" Илкайга атиги бир мавсумга шартнома таклиф қилишмоқда.