Myunxenning “Bavariya” klubi “Manchester Siti” yarim himoyachisi Ilkay Gyundoganni sotib olmaslikka qaror qildi. Insayder Kristian Falk bergan ma’lumotlarga ko‘ra, Myunxen klubi nemis futbolchisini tekinga o‘z safiga qo‘shib olmoqchi bo‘lgan. Biroq rahbariyat jamoada Gyundogan pozisiyasida futbolchilar yetarli degan xulosaga keldi.
Qayd etilishicha, ayni damda Gyundogan uchun kurashda kataloniyalik "Barselona" peshqadamlik qilmoqda va futbolchiga uch yillik shartnoma taklif qilmoqda. "Manchester Siti" ham yarim himoyachini o‘z jamoasida saqlab qolish uchun urinishlarni qoldirmayapti, ammo "shaharliklar" Ilkayga atigi bir mavsumga shartnoma taklif qilishmoqda.
