“Севилья” ҳимоячиси Хесус Навас Европа лигаси ярим финалнинг жавоб учрашувида Туриннинг “Ювентус” устидан қозонилган ғалабаси ҳақида гапирди. Учрашув 2:1 ҳисобида Андалусия клуби фойдасига ҳал бўлди.

"Менда айтадиган гап йўқ. Бу қандайдир ақлдан оздирадиган ҳодиса бўлди. “Севилья” ҳам трибунадаги мухлисларимиз каби ҳамма нарсани берди. Биз уларнинг қўллаб-қувватлашини қадрлаймиз. Яна бир финалда ўйнашимиз жуда зўр”, - деди Хесус УЕФА матбуот хизматига.

Эслатиб ўтамиз, биринчи ўйинда 1:1 ҳисобида дуранг қайд этилганди. Шу тариқа, икки ўйин натижасига кўра, “Севилья” Европа лигаси финалига чиқди ва у ерда “Рома” билан тўқнаш келади. Жанг 31 май куни Будапештда бўлиб ўтади.