“Sevilya” himoyachisi Xesus Navas Yevropa ligasi yarim finalning javob uchrashuvida Turinning “Yuventus” ustidan qozonilgan g‘alabasi haqida gapirdi. Uchrashuv 2:1 hisobida Andalusiya klubi foydasiga hal bo‘ldi.
"Menda aytadigan gap yo‘q. Bu qandaydir aqldan ozdiradigan hodisa bo‘ldi. “Sevilya” ham tribunadagi muxlislarimiz kabi hamma narsani berdi. Biz ularning qo‘llab-quvvatlashini qadrlaymiz. Yana bir finalda o‘ynashimiz juda zo‘r”, - dedi Xesus UYEFA matbuot xizmatiga.
Eslatib o‘tamiz, birinchi o‘yinda 1:1 hisobida durang qayd etilgandi. Shu tariqa, ikki o‘yin natijasiga ko‘ra, “Sevilya” Yevropa ligasi finaliga chiqdi va u yerda “Roma” bilan to‘qnash keladi. Jang 31 may kuni Budapeshtda bo‘lib o‘tadi.
