"Интер" дарвозабони Андре Онананинг агенти Альберт Ботинес футболчининг келажаги ҳақида гапирди.

"Ушбу даврда тахминий трансферлар ҳақидаги миш-мишлар одатий ҳол, аммо мен бу ҳақда гапирмасликни маъқул кўраман, чунки ҳали жуда эрта", - дея агентнинг сўзларини келтиради Goal. "Ҳозирда у бор эътиборини фақат майдонга қаратган. “Интер” билан беш йиллик шартномамиз бор. Унинг шартномасида яна тўрт йил бор. Ҳозир у бор эътиборини фақат А Сериянинг қолган ўйинлари ва Чемпионлар Лигаси финалига қаратган. Унинг узоқ муддатли шартномаси бор, хавотир олманг. У жуда бахтли, у Италиянинг энг кучли жамоасида ўйнайди”.

27 ёшли камерунлик футболчи 2022 йилнинг ёзидан буён “Интер” сафида тўп сурмоқда. Унинг амалдаги шартномаси 2027 йилнинг июнигача мўлжалланган.

Жорий мавсумда Онана барча мусобақаларда 38 та ўйинда майдонга тушиб, 30 та гол ўтказиб юборган. Шунингдек, учрашувлар давомида 19 марта ўз дарвозасидан бирорта ҳам гол ўтказиб юбормаган.