Ёзда эркин агент сифатида жамоани тарк этадиган Менхенгладбахнинг "Боруссия" клуби ҳужумчиси Маркус Тюрамга Европанинг икки клубидан таклифлар келиб тушди.
L’Equipe нашри хабарига кўра, гап "Атлетико" ва "Интер" ҳақида кетмоқда. Мадридликлар 25 ёшли футболчини Альваро Моратага ўринбосар сифатида кўрмоқда, миланликлар эса уни келажак учун асосий футболчи деб ҳисоблаб, узоқ муддатли шартнома имзолашга тайёр.
Шунингдек, Чемпионлар лигасига йўл олган номи номаълум Бундеслига жамоаси ҳам унга қизиқиш билдираётгани кўрсатилган. "Манчестер Юнайтед", "Милан" ва "ПСЖ" ҳамон воқеалар ривожини кузатишда давом этмоқда, бироқ аниқ сўровлар бўлмаган.
Франциялик ҳужумчи жорий мавсумда 31 та ўйинда майдонга тушиб, 16 та гол урди ва 7 та голли узатмани амалга оширди.
