"Интер" ҳужумчиси Ромелу Лукаку "Челси" билан ўтган мавсумни яхши ўтказганига ишонмоқда. Эслатиб ўтамиз, бельгиялик футболчи АПЛнинг бутун мавсумида 8 та гол урди ва шундан сўнг у "Интер"га ижара асосида қайтди.
"Ўтган мавсумда "Челси"да яхши ўйнадим, лекин барибир "Интер"ни ўйлайман. Клуб билан яна шартнома имзолаганимда, менинг ўрним шу ерда эканлигини англадим. Мен бу клубга жиддий қарайман ва бор кучимни бераман. Бу ердагилар мени қадрлашади" - деди Лукаку HLN.BE билан суҳбатда.
2021 йилнинг ёзида "Челси" Лукаку трансфери учун 113 миллион евро тўлаб, ҳужумчини ўз тарихидаги энг қиммат футболчига айлантирди. Ромелу "Интер"даги ижара муддати якунлангач, "Челси"га қайтиши мумкин.
