"Манчестер Юнайтед" бош мураббийи Эрик тен Хаг "ПСЖ" ҳужумчиси Неймарнинг жамоасига ўтиши мумкинлиги ҳақида фикр билдирди.
Эслатиб ўтамиз, матбуот бразилиялик футболчини кейинги трансфер ойнасида Англия Премьер-лигасига ўтиш билан боғламоқда.
"Неймар? Агар бирор янгилик бўлса, албатта сизларни хабардор қиламиз", - деди нидерландиялик мутахассис матбуот анжуманида.
Неймар март ойида олган жароҳати туфайли мавсумнинг қолган қисмини ўтказиб юборади. Аввалроқ ҳужумчига Лондоннинг "Челси" клуби ҳам қизиқиш билдираётган эди.
Ҳужумчи ушбу мавсумда Франция чемпионатида 13 та гол урди ва 11 та голли узатмани амалга оширди.
