"Ливерпуль" ҳужумчиси Роберто Фирмино бошқа клублар билан трансфер борасида ҳали музокараларни бошламаган.
Журналист Флориан Плеттенбергнинг сўзларига кўра, бразилиялик футболчи ўз жамоасини ҳурмат қилгани учун мавсум охиригача келажагини муҳокама қилишни истамаган.
Эслатиб ўтамиз, Фирмино ушбу мавсум охирида "Ливерпул"ни эркин агент сифатида тарк этади. Бразилиялик футболчи аллақачон “Энфилд”да хайрлашув ўйинини ўтказиб, “Астон Вилла” дарвозасига гол урганди.
Аввалроқ Фирмино "Барселона"га ўтиши мумкинлиги ҳақида хабарлар тарқалган эди. Бразилиялик футболчида фаолиятини Италия А Сериясида давом эттириш имкониятлари ҳам бор. 31 ёшли Роберто жорий мавсумда Англия Премьер-лигасида 10 та гол урди.
