"Севилья" ярим ҳимоячиси Иван Ракитич "Рома"нинг амалдаги бош мураббийи Жозе Моуриньо билан ишлашни хоҳлашини тан олди.
31 май куни "Севилья" ва “Рома” Европа лигаси финалида тўқнаш келишади, ҳал қилувчи ўйинга олти кун қолганида Ракитич римликлар бош мураббийи ҳақида гапирди:
“Мен Моуриньонинг жамоаларига қарши кўп марта ўйнаганман.
Бу ажойиб бўларди. Мен ҳар доим унинг кундалик иши ҳақида кўпроқ маълумот олишга қизиқиб келганман, лекин бундай имконият ҳеч қачон бўлмаган", - деди хорватиялик ярим ҳимоячи.
Эслатиб ўтамиз, ярим финалда "Севилья" "Ювентус"ни (тўқнашувнинг умумий ҳисоби 3:2), "Рома" эса "Байер"ни (1:0) мағлуб этганди.
