"Барселона" ярим ҳимоячиси Серхио Бускетс мавсумдаги сўнгги уй учрашуви якунида хайрлашув нутқи билан чиқди.
Каталонияликларнинг 34 ёшли сардори кетиш олдидан “Камп Ноу”даги сўнгги ўйинини ўтказди.
“Менга доим ёрдам берган барча ҳозирги ва собиқ жамоадошларимга, шунингдек, мураббийлар штаби ва клуб ходимларига раҳмат айтмоқчиман. Мухлисларга алоҳида миннатдорчилик билдирмоқчиман - эришган ютуқларимизда сизларнинг ролингиз катта.
Ёшлигимда "Камп Ноу"да ўйнашни орзу қилардим - ниятимга етдим. Энди эса мен кетяпман, лекин бир кун яна кўришамиз”, - деди “Барселона” сафида 700 дан ортиқ ўйин ўтказган Бускетс.
